September 30, 2012 - October 06, 2012
CAVITE CITY–– Isang 39 anyos na binata na wanted sa kasong theft, ang nasakote ng mga tauhan ng warrant section sa isinagawang operasyon sa Barangay 47-M San Antonio Cavite City nitong nakalipas na Setyembre 25 dakong alas 2:00 ng hapon.
Sa direktang superbisyon ni P/ Supt. Rommel Laconsay Javier, hepe ng pulisya, nabatid na naaresto nina PO2 Edgie Portacio at PO1 Ronnel Saria ng warrant section ang wanted at convicted sa kasong theft na kinilalang si Alfredo Calupaz Jr. y Chuangco, alyas Jun, binata, jobless residente ng 452 A. Del Rosario Brgy. San Antonio.Inaresto ang suspek sa bisa ng warrant of arrest na may criminal case number 095-2011 na may petsang September 17, 2012 na inisyu at nilagdaan ni Hon. Judge Zandra T. Bato MTC Branch 2 Cavite City na walang kaukulang piyansa .
Sa kasunod na operasyon nitong Setyembre 27 dakong alas 4:00 ng hapon sa Tanza Public Market sa pakikipag koordinasyon sa Tanza Police Station naaresto ang isang Violeta Lasap, 46, single jobless residente ng Biwas Tanza Cavite sa bisa ng warrant of arrest sa paglabag sa BP22 sa ilalim ng criminal case number070-2012 na may petsang September 4, 2012 na inisyu at nilagdaan ni Hon. Judge Zandra T. Bato MTC Branch 2 Cavite City na may kaukulang piyansang P1,000..
page 2 - WANTED SA KASONG THEFT NASAKOTE by: LARRY MACABUAT / REY MORALES│ Operation Eposé Vol. 10 Blg. 12 September 30, 2012 - October 06, 2012 issue
No comments:
Post a Comment