CARETAKER SA KUWADRA BINOGA NG KASAMA SA TRABAHO

CARMONA, Cavite–– Nakikipaglaban kay kamatayan ang isang  41-anyos na caretaker sa kuwadra matapos itong pagbabarilin ng kanyang  kasamahan sa trabaho nitong nakalipas na Mayo 4  sa Barangay Lantic sa bayan ng  Carmona, Cavite. Kinilala ng pulisya ang biktimang si  Elfred “Kambal” Cuenco, 41, mayasawa, at stay-in sa San Lazaro Liezure Park sa nasabing barangay. Kinilala naman ang suspek  na si Socrates Bacalando, 37, ng Block 213 Lot 21, Yuan Street sa North Fairview, Quezon City.

Sa isinagawang imbestigasyon ng pulisya, naganap ang pamamaril  dakong alas-11:30 ng umaga sa loob ng opisina sa Stable # 6, San Lazaro Liezure Park. Sinasabing  nagkainitan ang dalawa, sa tinurang salita  sa suspek sa reklamo ng kanilang amo na ikinapikon nito at pinagbabaril ang biktima, tatlong tama ng bala ng baril buhat sa kalibre 9.mm ang tumama sa katawan at isinasalba ang buhay sa pinagdalhang ospital. Makaraan naman ang insidente ng pamamaril ay mabilis na tumakas ang suspek sa pinangyarihan ng insidente.

By: CRISTY D. GARCIA │ Operation Eposé Vol. 9 Blg. 44 May 13-19, 2012