30 KALANSAY NAHUKAY SA MASS GRAVE NG NPA

SAN FRANCISCO, Quezon–– Tinatayang aabot sa 30 kalansay ng tao na pinaniniwalaang biktima ng  pagmamalabis ng mga rebeldeng New People’s Army ang nahukay ng dalawang magsasaka sa kabundukan  ng Sitio Irrigation, Barangay Pagsangahan sa bayan ng San Francisco, Quezon Sa ulat ngt pulisya, sa  imbestigasyon ni  PO2 Joel Razo Sanao, nag-report sa kanilang opisina ang dalawang magsasakang sina  Herminio Dauba at Rommel Malinao kaugnay sa natagpuang mass grave. 

Sinabi ng dalawang magsasaka na noon pang Abril 2012 nila natuklasan ang mga kalansay sa kabundukan  habang sila ay nagsasaka subalit nitong Hulyo21 lamang nila ipinagbigay alam sa pulisya sa takot na likidahin  din ng mga rebelde. 

Sa pahayag naman ni Col. Eduardo M. Año, brigade commander ng 201st Brigade ng Phil. Army, ang mga  kalansay ay may 24 taon na ang nakalipas kung saan ang naturang pagpaslang sa ilang miyembrong  kasamahan ng New People’s Army at ilang sibilyan na pinaghihinalaang deep penetrating agents (DPA) ay  napapa-loob sa prosesong “Oplan Missing Link.”

Ang “Oplan Missing Link”  ay isang anti-infiltration campaign na isinagawa noong 1985 ng mga miyembro ng  CPP/NPA sa kanilang hanay kung saan nasa 46-katao ang nawawala kasama na ang ilang kabataan at mga  babaeng buntis.

Dinala na sa Provincial Crime Laboratory sa Camp Nakar,Lucena City  ang m ga kalansay upang masuri.

30 KALANSAY NAHUKAY SA MASS GRAVE NG NPA

page 05 - │Operation Eposé Vol. 10 Blg. 03 July 29 - August 04, 2012