TRADER, HINOLDAP, PINATAY NG SINIBAK NA EMPLEYADO

CALAMBA CITY–– Sinawimpalad  na mamatay ang isang negos-yante matapos itong pagsasaksakin nang pumalag sa kaniyang dating empleyado na nanloob dito ng P170,000 halaga ng payroll sa naganap na krimen sa Calamba City, Laguna nitong nakalipas na Hulyo 5 ng gabi.

Sa ulat ni Calamba City Police Director P/Supt. Leovigildo Manaig, kinilala ang biktimang si Rodnie Delgano, binata, mayari ng Roman Employment Agency and General Services. 

Pinaghahanap ang suspek na kinilalang si Czoren Angelo Caraan, 21-anyos, dating empleyado ng  biktima na nasibak sa posisyon. 

Sa imbestigasyon, naganap ang insidente dakong alas-10:20 ng gabi sa opisina ng biktima sa Brgy. San  Cristobal ng lungsod. Sinasabing inihahanda ng biktima ang nasabing payroll money para sa kaniyang  mga empleyado ng bigla na lamang umanong pumasok ang suspek na armado ng patalim at  pinagsasaksak ang biktima, kinuha ang pera at saka mabilis na tumakas lulan ng motorsiklo na naiwan  ang helmet sa pagmamadali.

Naisugod naman sa Calamaba Doctor's Hospital ang biktima na nagawang ituro ang suspek  sa mga  awtoridad bago ito binawian  ng buhay. 

TRADER, HINOLDAP, PINATAY NG SINIBAK NA EMPLEYADO
│Operation Exposé Vol. 10 Blg. 01 July 15 - July 21, 2012