LALAKI NAGBIGTI DAHIL SA PROBLEMA

CAVITE CITY–– Hindi na nakaligtas sa ikalawang pagtatangka sa kanyang buhay ang isang 44 anyos na  reflexsologist, na lalaki na nagpakamatay sa pamamagitan ng pagbibigti sa isang puno ng talisay  sa loob ng  Cavite City Public Cemetery nitong nakalipas na Hunyo 21. Sa nakalap na ulat sa tanggapan ni P/ Supt.  Rommel Laconsay Javier, hepe ng pulisya, kinilala ang nag suicide na si Ruben Francisco y Mojica aka  Ruben, may asawa residente ng Bagong Pook San Antonio Cavite City.

Sa imbestigasyong isinagawa ni PO3 Boy Buitizon , nabatid na bandang alas 5: 40 ng umaga,ng makatanggap ng tawag sa telepono  ang istasyon ng pulisya buhat kay Barangay Captain Edwin S. Hilario sa  pagkakatagpo ng mga istambay sa nakabiting bangkay ni Francisco, kaagad naman na tinungo ang lugar at  natagpuan ang nakabiting bangkay ng biktima. Sa salaysay ng kapatid ni Ruben na kinilalang si Veronica De  Guzman y Francisco at Rodel Francisco  nabatid na nakatanggap pa sila ng text message kay Ruben nitong  Hunyo 20 bandang alas 10:00 ng gabi na nagsasabing “Paalam na po sa inyong lahat at maraming salamat”.Sa puntong iyon ay hinanap ng mga kaanak si Ruben subalit hindi ito natagpuan. Base sa  salaysay,dalawang linggo na ang nakakalipas ng magtangka rin na magpakamatay ito sa pamamagitan ng pag  inom ng Clorox at nalagak  sa East Avenue  Medical Center. 

Natagpuan rin ng imbestigador sa bulsa ng  biktima ang isang suicide note nagsasaad ng mga katagang “Ako ay lubos na nagpapasalamat sa lahat ng  taong umunawa at nagmalasakit sa akin at tumulong kung paano ko malalampasan ang problema ko. At sana  po ay mapatawad ako ng mga taong may naiwan akong pagkakasala. Ayeza, Kevin tandaan nyo na mahal  na mahal ko kayo kaya ko lang nagawa ang lahat ng ito ay dahil sa mga tao na nagtulak sa akin para gawin  ang lahat.Sa pamilya ng asawa ko na sila Ranny Olidan at asawa niya. At lalo na sa mga kabarkada nya sa  trabaho na nagtulak sa masamang bisyo para sirain ang pamilya. Nay at mga kapatid ko at higit sa Diyos  patawad po. Lalo na ke Nolie Vernis na kumpare ko. Isinailalim sa awtopsiya ang bangkay ng biktima  samantalang patuloy ang isinasagawang imbestigasyon.

LALAKI NAGBIGTI DAHIL SA PROBLEMA

By: REY MORALES/VENANCIO SANDRINO│Operation Eposé Vol. 9 Blg. 50 June 24-June 30, 2012 issue