CANDELARIA, Quezon–– isang 21-anyos na computer engineering graduate na unang araw na nagtatrabaho ang namatay matapos na ito ay makuryente habang nagwe-welding sa construction site sa Barangay Masin Norte sa bayan ng Candelaria, Quezon, nitong nakaliupas na Hunyo 22 ng hapon.
Hindi na umabot ng buhay sa Peter Paul Hospital ang biktimang si Carlo Pagal Buan. Sa imbestigasyon ni PO2 Archivald Real, dakong ala-1:30 ng hapon ay nasa LMI Construction ang biktima upang pumasok sa unang araw ng trabaho bilang welder.
Gayon pa man ay hindi sanay sa kauna-unahang trabaho ay napahawak ang biktima sa talop na kable ng welding machine hanggang sa makuryente at magkikisay. Ayon pa din sa ulat nagpasya ang biktima na pumasok bilang welder sa construction upang makapag-ipon ng pera na gagamitin sa kanyang pagkuha ng pagsusulit.
No comments:
Post a Comment