STA. CRUZ, Laguna–– Isang 7 anyos na batang dayuhang mag aaral na anak ng isang prominenteng
negosyante ang dinukot ng mga armadong kalalakihan sa lungsod ng Biñan sa Laguna Hunyo 22 ng umaga.
Kinilala lamang ni Senior Superintendent Gilbert Cruz, Laguna Police Director ang biktima na si Reynald Chew, Myanmar national, estudyante ng Montesori Childrens Woodside sa lungsod.
Sa ulat, papasok na ng kanyang eskwelahan ang biktima sakay ng school service nang harangin ng apat na armadong kalalakihan sakay ng isang kulay maroon na Nissan Sentra (TBK 827) pagsapit sa national highway Bgy San Francisco bandang alas- 7:30 ng umaga Batay sa salaysay ng mga saksi, puwersahang isinakay ang biktima sa get-away vehicle ng mga suspek bago sumibat patungo sa ‘di malamang direksyon
Ayon kay Cruz, tinurn-over na nila ang kaso sa Anti-Kidnapping Task Group ng Camp Crame para magsagawa ng follow-up operation.
No comments:
Post a Comment