STREET SWEEPER UTAS SA KIDLAT

CAVITE CITY–– Sinawimpalad na mamatay ang isang  30-anyos na street sweeper makaraang tamaan ng kidlat  habang malubha naman ang kasamahan habang nagwawalis sa kalsada sa  bisinidad ng Sta. Barbara Street sa Barangay 53-B, Sangley Point, Cavite City, Cavite Mayo 29 ng umaga. Kinilala ang biktima na si Rodolfo Baquiano habang kritikal naman si Jeric Anciado, 18, kapwa residente ng  C. Dones St., Brgy 42, San Antonio, Cavite City at kawani ng Sweeper Under Haresco General Services.

Naisugod pa sa Major Danilo S. Atienza Air Base Hospital sa Sangley Point si Baquiano subalit idineklarang patay habang si Anciado naman ay dinala sa Naval Hospital sa Samonte Park kung saan inoobserbahan dahil sa matinding pagkasunog ng katawan.

STREET SWEEPER UTAS SA KIDLAT

│ Operation Eposé Vol. 9 Blg. 47 June 03-June 09, 2012 issue