MAG-AMA TINODAS NG ADIK

DASMARIÑAS, Cavite– –Naging mitsa ng buhay ng  mag ama, sa Paliparan 3 Dasmariñas Cavite ang binabantayang car stereo sa traysikel  matapos pagsasaksakin ng 26-anyos na adik sa bawal na gamot  nitong nakalipas na Hunyo 12 ng gabi. Malalalim na sugat sa leeg at dibdib Nagtamo ng malalalim na sugat sa leeg at dibdib ang nagwakas sa buhay ng mag-amang kinilalang sina  Rolly Al-meria, 34, driver; at Reymart Almeria, 11, -kapwa nakatira  sa Phase 4 sa nabanggit na lugar.

Nabatid na  sa loob ng traysikel natulog ang mag-ama na  nakaparada sa harapan ng  kanilang bahay dahil sa binabantayan ang nakakabit na car stereo. Lumapit at pinagsasaksak ng suspek na kinilalang si Marvin Gulo 26 ng Block 1 excess lot ng nasabi ring lugar  ang mga biktima na magkatabing natutulog. 

Tinangkang kalasin ng suspek ang nakakabit na car stereo sa traysikel habang duguang nakabulagta ang magama subalit namataan ito ng misis ni Rolly kaya naudlot ang pagnanakaw.

Mabilis na tumakas ang suspek dahil sa sigaw ng misis kung saan nasakote naman ito ilang oras matapos ang  isinagawang krimen.

MAG-AMA TINODAS NG ADIK

│Operation Eposé Vol. 9 Blg. 49 June 17-June 23, 2012 issue