3 TIKLO SA PAGNANAKAW NG BATERYA NG VAN

Ang mga nahuling baklas bateryang mga suspek na nasakote ng
Cavite City PNP matapos tangayin ng 2 bateryang2SMF(Motolite Gold)
battery sa Lopez Jaena Street San Roque Cavite sa isang Mitsubishi
Canter na nakaparada na pag aari ng isang negosyante.
(Mug shots courtesy of Cavite City PNP-CID Division)

CAVITE CITY–– Rehas na bakal ang kinahantungan ng tatlong kalalakihan  matapos maaresto ng mga elemento ng Cavite City PNP matapos nakawin ang  dalawang baterya ng sasakyang Mitsubishi Canter  na nakaparada sa may Lopez Jaena Street Caridad  ng lunsod na ito nitong nakalipas na Mayo 27 dakong alas 2:00 ng hapon. 

Sa nakalap na ulat sa tanggapan ni P/Supt. Rommel Laconsay Javier, hepe ng pulisya base sa isinagawang imbestigasyon ni PO2 Jonathan Baclas, nabatid na isang tawag sa telepono buhat sa isang konsernadong mamamayan sa nakita nitong tatlong lalaki na binabaklas ang baterya ng isang Mitsubishi Canter na    nakaparada sa nasabing lugar,  makaraang makuha ang baterya ay umalis ang tatlo lulan ng isang mini bus na may plakang DWF 570, Matapos na matanggap ang tawag sa telepono ay kaagad  na naglagay ng road block/ checkpoint sina PO1 Edgie Portacio at ang Mobile Patrol Division sa kahabaan ng Manila Cavite  road  na nagbunga ng pag kaaresto ng mga suspek na kinilalang sina Norberto Bucala y Buco, 27, bus driver residente ng Lopez Jaena Street, Ferdinand Hilario Corpuz 28, binata, jobless, residente ng Cañacao Bay Cavite City at Rodan Crisostomo Cruz 32, jeepney driver, Dalahican Cavite City. 

Nabawi sa mga suspek ang 2 bateryang 2SMF(Motolite Gold) battery na may halagang P 5,000 ang bawat isa,  na pag aari ng isang Dina Santiago Arenas, negosyante residente ng Lopez Jaena Street Caridad, at mga kasangakapang screw drivers, adjustable wrench na ginamit sa pagbabaklas  ng mga baterya. Kasalukuyang nakakulong ang mga suspek sa himpilan ng pulisyaat sinampahan ng kasong theft sa lokal na piskalya 

3 CAUGHT FOR STEALING BATTERY OF A VEHICLE VAN

By: REY MORALES │ Operation Eposé Vol. 9 Blg. 47 June 03-June 09, 2012 issue