26 ANYOS NA BINATA TINODAS NG KARIBAL

GEN. MARIANO ALVAREZ CAVITE–– Isang 26 anyos na binata ang binaril at napatay habang naglalakad kasama  ang nililigawang babae sa Barangay Maderan sa bayan ng General Mariano Alvarez, Cavite nitong nakalipas na Mayo 27 ng madaling araw.

Tama ng bala sa dibdib ang tumapos sa buhay ng biktimang si Danilo De Luna, tubong Samar at nakatira sa Barangay Poblacion 1 sa nasabing bayan.

Sa imbestigasyon ni PO1 Jayson Peranil, sinasabing naglalakad ang biktima kasama ang nililigawang si Faith Ducena nang lapitan at barilin ng di-kilalang lalaki na sinasabing karibal ng biktima sa panliligaw.

26 ANYOS NA BINATA TINODAS NG KARIBAL

By: CRISTY D. GARCIA │ Operation Eposé Vol. 9 Blg. 47 June 03-June 09, 2012 issue